Sociedade

Haberá un total de 4 modalidades e as inscricións xa están abertas

Esgos celebrará o domingo 14 de xuño de 2026 a XVII edición da Carreira San Pedro de Rocas, unha cita deportiva que combinará diferentes probas de carreira e andaina adaptadas a distintos niveis.

O evento contará cunha carreira longa de 17 quilómetros, cunha saída prevista para as 11:00 horas, e unha carreira curta de 8,5 quilómetros, que arrancará ás 11:30 horas.

No apartado de sendeirismo, haberá unha andaina longa de 17 quilómetros, con saída ás 09:30 horas, e unha andaina curta de 8,5 quilómetros, programada para as 10:30 horas.

A organización ofrece así varias opcións para participar nunha xornada deportiva que combinará actividade física e contacto co entorno natural de San Pedro de Rocas.