Concello

O Concello de Ourense iniciou este martes os traballos de mellora no parque canino atendendo ás demandas dos usuarios

O Concello de Ourense iniciou a execución de obras de mellora do parque canino situado xunto á Ponte Vella. Os traballos consisten no pintado do valado perimetral da zona, a mellora das portas de entrada, a reparación de diferentes deficiencias detectadas no chan do terreo e a instalación de dúas fontes para os animais.

As obras teñen como finalidade proporcionar unha mellora das condicións de uso deste espazo dando resposta á demanda trasladada ao Concello polas numerosas persoas que a diario acoden a el para o desfrute dos seus animais de compañía.