Laura Novelle presenta a súa última novela na Biblioteca Pública de Ourense
OurenseXa
A escritora carballinesa presentará este venres as 18.30 horas 'Todo lo que he callado', un thriller policial cheo de historia e romanticismo
Laura Novelle, escritora e profesora de Historia Contemporánea na Universidade de Vigo
Redacción Ourensexa26 abr 2024
Dentro das actividades programadas para a semana do Día do Libro, a Biblioteca Pública de Ourense Nós acollerá na tarde deste venres, ás 18.30 horas, a presentación do último libro de Laura Novelle, 'Todo lo que he callado'.
Laura Novelle, nacida no Carballiño en 1978, é escritora e profesora de Historia Contemporánea na Universidade de Vigo. No acto estará acompañada ademais, pola tamén escritora e Doutora en Patrimonio e Documentación histórica e escritora, Carla López.
A novela, tal e como a súa autora a define, é "unha culler grande de thriller, dúas tazas de historia recente e varios litros de novela romántica. Así cociñei unha historia pulcramente ambientada, complexa, dura e tenra, que che levará da man e non poderás deixar de ler".
Sinopse
León Cantud é un membro da policía científica en labores administrativos. Casado e pai dunha filla adolescente, cre que ten a mellor vida que alguén como el podería merecer ata que o achado dun cadáver obrígalle a volver ao taboleiro de xogo.
A investigación dun caso que nunca quixo aceptar retorcerá dun modo feroz a súa existencia.
A medio camiño entre o thriller policíaco e a novela romántica, o potente transfondo histórico da trama arrastrarache a unha época vergonzosamente incómoda que segue mal enterrada no pasado recente. Todo o que hei calladoes unha novela ás veces dolorosa, ás veces tenra, ás veces incandescente, escrita desde os abismos nos que pode chegar a caer o ser humano. É posible que o horror cambie o curso de varias vidas? Atrévesche a zambullirte neste volcán de sensacións?