Máis de cen deportistas déronse cita en Pereiro de Aguiar na primeira xornada da Liga Galega de Clubs de Halterofilia

OurenseXa
A cita serviu como pase clasificatorio para varias competicións, como o Campionato de Galicia Absoluto, que se celebrará en maio
ligaa-halterofilia-pereiro
Primeira xornada da Liga Galega de Halterofilia en Pereiro de Aguiar, imaxe de Luis Menor
10 Mar 2025

Este sábado comezou en Pereiro de Aguiar a nova tempada da Liga Galega de Clubs. O Pavillón Municipal A Chaira acolleu a primeira xornada deste campionato, que contou coa participación de 107 deportistas.

Desde a Federación aseguran que “cunha inscrición de 11 clubs afiliados”, a tempada deste ano preséntase moi “axustada”. A xornada deste fin de semana serviu para avaliar en que forma se atopen os deportistas dos diferentes clubs que participan, así como para pasar clasificatorio para varias competicións, como o Campionato de Galicia Absoluto, que se celebrará en maio en Narón, xunto coa segunda xornada da Liga Galega ou para o Campionato de España Absoluto, que será en Zaragoza a mediados de xuño.

⚙ Configurar cookies
0.19157695770264