Manuel Pardo reafirma o compromiso da Xunta cos concellos de Barbadás e San Cibrao das Viñas
OurenseXa
O delegado territorial amosa “o compromiso da Xunta de acometer os investimentos necesarios e traballar de forma conxunta para garantir o benestar de todos os veciños dos concellos de Barbadás e San Cibrao das Viñas”
![Manuel Pardo reafirma o compromiso da Xunta cos concellos de Barbadás e San Cibrao das Viñas](https://ourensexa.com/wp-content/uploads/2024/06/Manuel-Pardo-reafirma-o-compromiso-da-Xunta-cos-concellos-de-Barbadas-e-San-Cibrao-das-Vinas.jpg)
8 Xuño 2024
O delegado territorial da Xunta en Ourense, Manuel Pardo, desprazouse este venresaos concellos de Barbadás e San Cibrao das Viñas, dentro da rolda de encontros institucionais que está a manter trala toma de posesión como novo representante da administración autonómica na área territorial.
Manuel Pardo, despois de repasar con ámbolos dous rexedores, Xosé Carlos Valcárcel e Marta Novoa, asuntos de interese mutuo para as dúas administracións e avaliar posibles vías de colaboración, trasladoulle “o compromiso da Xunta de acometer os investimentos necesarios e traballar de forma conxunta para garantir o benestar de todos os veciños dos concellos de Barbadás e San Cibrao das Viñas”.