Milleiros de persoas achegáronse ao desfile de Entroido de Barbadás
Milleiros de persoas achegáronse este martes a Barbadás para presenciar o tradicional Desfile de Comparsas e Disfraces de Entroido da vila, que discorreu pola avenida de Celanova amenizado pola música das charangas Fuego, BCB e Os PerQtores.
En total, repartíronse once premios ás mellores comparsas e disfraces en varias categorías, cun xurado que estivo presidido pola concelleira Ana Peleteiro, e conformado por Xabier Teixeira, Jesús Rodríguez, Paula Rodríguez, Manuel Álvarez, María Purificación Montes e Santino Fidalgo, este último, como secretario.
Ademais, o pasado luns, os nenos e nenas protagonizaron unha animada xornada co seu propio concurso de disfraces, que estivo dirixido a nenos e nenas ata os 12 anos de idade e que incluiu unha merenda saudable da man da Asociación de Celíacos de Galicia (Acega) e a animación de DJ Tibu.