Axenda | Cultura

A Praza de Luíntra será escenario dunha actuación musical que combina a tradición xacobea con elementos do imaxinario de Mägo de Oz, enmarcada nos actos do Magosto popular

O Concello de Nogueira de Ramuín ten previsto este mércores 11 de novembro unha xornada de actos festivos enmarcados en San Martiño 2026, que incluirá tanto o tradicional Magosto popular como un concerto musical de carácter temático.

Logo da celebración do Magosto no pavillón municipal, a Praza de Luíntra será o escenario, a partir das 17.00 horas, dunha actuación a cargo do dúo formado por Antonio Barros e iAlma. A proposta musical preséntase como un percorrido que entrelaza a tradición do Camiño de Santiago con referencias ao universo artístico vinculado á banda Mägo de Oz, baixo un plantexamento que combina música, posta en escena e elementos visuais.

A organización previu un plan alternativo en caso de mal tempo: se as condicións meteorolóxicas non permiten a celebración ao aire libre na Praza de Luíntra, o concerto trasladaríase ao pavillón municipal de Nogueira de Ramuín.