O BNG de Celanova-Baixa Limia presenta os actos con motivo do Día da Patria 2026
O BNG da comarca de Celanova-Baixa Limia deu a coñecer este martes a programación organizada con motivo do Día da Patria 2026. Na presentación participaron a responsable comarcal da formación, Ernesta Seoane, xunto aos militantes Alfonso Grande e David Dorado.
Entre as actividades previstas figura un roteiro pola vila de Celanova, que terá lugar o domingo 19 de xullo. A saída está fixada para as 10.30 horas desde a Casa dos Poetas e o percorrido rematará ás 12.00 horas na praza Cervantes, onde Sol Agra, responsábel de Lingua do Consello Nacional do BNG, será a encargada de dar lectura ao manifesto político.
A formación nacionalista anima tamén á veciñanza da comarca a participar na manifestación nacional do Día da Patria, convocada para o 25 de xullo en Santiago de Compostela. A mobilización partirá ás 12.00 horas da Alameda baixo o lema “Somos unha nación, soberanía e dereitos nun mundo en paz”.