O campus de Ourense acada un récord histórico de matriculacións para o vindeiro curso
O Campus de Ourense da Universidade de Vigo acada un récord histórico de matriculacións para o vindeiro curso 2024/2025. En total, a UVigo rexistrou 3902 persoas xa se matricularon a día de hoxe nas 3752 prazas de novo ingreso das titulacións de grao que a univerisade oferta para o vindeiro curso. Segundo o reitor, Manuel Reigosa, a cifra supón "os mellores de toda a serie histórica de ocupación".
En concreto, o campus de Ourense rexistra a maior taxa de ocupación cun 104,24% (1058 matriculados en 1015 prazas ofertadas), seguido de Pontevedra cun 104,03% (801 matriculados en 770 prazas) e Vigo con 103,86% (1043 matriculados en 1967 prazas).
En canto aos graos pechados, a día de hoxe xa non hai prazas en 56 dos 71 títulos que se ofertan (79%). Por campus, en Ourense hai 17 titulacións pechadas das 21 que se ofertan (81%); Pontevedra pechou 10 das 12 ofertadas (83%) e no campus de Vigo hai 29 títulos pechados, do total de 38 ofertados (76%).