Concello

En total, os traballos contaron cun orzamento de 835.192,03 euros

Pasos de peóns, Ourense

O Concello de Ourense levou a cabo actuacións en 23 pasos de peón da cidade co obxectivo de mellorar a accesibilidade en diferentes puntos de Ourense, co fin de reforzar a seguridade viaria, accesibilidade universal e a non discriminación das persoas con discapacidade para o acceso e a utilización dos espazos públicos urbanizados.

Esta actuación está incluída dentro do Programa de axudas para a implantación de zonas de baixas emisións e a transformación dixital e sustentable do transporte urbano e da mobilidade no marco do Plan de Recuperación, Transformación e Resiliencia do Ministerio de Transportes e Mobilidade. 

As intervencións divídense en dous grupos: 11 pasos de peón luminosos e 12 pasos de peón elevados. En total, os traballos contaron cun orzamento de 835.192,03 euros. A decisión de actuar inicialmente nestes puntos considerouse por seren puntos especialmente sensibles en vías de especial intensidade de tráfico e de accesos a centros sanitarios, educativos, sociais e deportivos, de especial conflitividade. Cada paso de peóns é distinto, por iso as actuacións varían segundo as características e/ou deficiencias en cada un deles.

Máis concretamente, as actuacións consistiron na ampliación da zona de estancia para viandantes mediante o incremento de beirarrúas, o reforzo da iluminación viaria no propio paso de peóns e a activación dun sistema de iluminación intermitente e automática que axude a que as persoas condutoras detecten a presenza de viandantes, e a elevación dos pasos de peóns, para seguridade de viandantes e redución de velocidade de vehículos, segundo a instrución técnica para a instalación de redutores de velocidade e bandas transversais de alerta na estrada de acordo coa Orde FOM/3053/2008.

Os pasos elevados instalados cun orzamento de licitación de 416.231,09 euros, IVE incluído, e unha duración de execución de 6 meses foron os seguintes:

1. Rúa Chano Piñeiro, nº6
2. Rúa Doutor Fleming, nº27, adecuando o cruzamento coa rúa Reza.
3. Rúa Escultor Faílde, nº6, adaptando tamén o paso coa rúa Vasco da Ponte
4. Rúa Sáenz Díez
5. Rúa Ponte Lebroña
6. Rúa Serra Martiñá, nº32
7. Avenida Otero Pedraio
8. Rúa Rampla de Sas, nº32., adecúanse 3 pasos
9. Rúa Vilareal
10. Rúa Pablo Iglesias.
11. Rúa José Antonio Nieves Conde
12. Rúa Ramón Puga nº100

Os pasos luminosos instalados cun orzamento de licitación de 418.960,94 euros IVE incluído, e unha duración de execución de 6 meses foron os seguintes:

1. Rúa Sainza nº 60
2. Avda. Rodríguez Castelao
3. Rúa Ramón Puga nº 48
4. Rúa Xoán de Nóvoa
5. Rúa Sáenz Díez
6. Rúa da Canle
7. Avda. Vista Hermosa
8. Rúa Ponte Sevilla
9. Rúa do Vinteún nº 31
10. Rúa Ramón Puga nº 40
11. Rúa Ramón Puga nº 33