O concurso de pinchos Sabores de Ourense terá lugar do 23 de maio a o 2 de xuño
O Concello de Ourense, a través da Concellería de Turismo e Termalismo, organiza unha nova edición do concurso “Sabores de Ourense – Pinchos de Primavera”, que se desenvolverá desde o día 23 de maio até o 2 de xuño na cidade, coa finalidade de dar a coñecer a riqueza gastronómica da cidade e as distintas propostas dos establecementos hostaleiros entre a veciñanza e tamén entre as persoas que visitan Ourense.
A Xunta de Goberno Local aprobou na súa sesión de hoxe as bases reguladoras do certame, no que poderán participar os establecementos hostaleiros de Ourense que ofrezan habitualmente pinchos á súa clientela. Deberán inscribirse até o día 23 de abril, a través da páxina web do Concello, e poderán presentar un pincho por local, libre en deseño e ingredientes. O certame outorgará 3 premios por parte dun xurado profesional, ademais dun accésit ao más creativo, un premio que concederá o Público e un premio ao mellor Pincho Celíaco.
Na súa sesión ordinaria desta semana, a Xunta de Goberno Local aprobou 31 expedientes presentados polos diferentes servizos municipais