O curso de rehabilitación de mobles da Merca pon fin tras varios meses de intenso traballo
O Concello da Merca puxo o punto final ao curso de rehabilitación de mobles que se desenvolveu desde o pasado mes de maio nas instalacións do antigo centro de saúde do municipio.
Ao longo destas semanas, as persoas participantes aprenderon diferentes técnicas de restauración, reparación e personalización de mobles, adquirindo coñecementos prácticos para recuperar pezas e darlles unha segunda vida.
O curso permitiu combinar a aprendizaxe de técnicas de rehabilitación coa creatividade, favorecendo a transformación de mobles antigos mediante solucións personalizadas e adaptadas a cada proxecto.
Desde o Concello destacaron o traballo realizado polos participantes durante a formación, subliñando que cada unha das pezas recuperadas reflicte o esforzo, a dedicación e os coñecementos adquiridos ao longo do curso.
A iniciativa apostou tamén pola sostibilidade e polo aproveitamento dos recursos, promovendo a reutilización de mobiliario como alternativa para reducir residuos e fomentar un consumo máis responsable.