O Entroido de Ourense chega ao seu fin este mércores co tradicional Entero da Sardiña
A cidade de Ourense vístese de loito este mércores para despedir o Entroido de 2025, que chega ao seu fin logo de seis días de festa que encheron ás rúas da cidade de música e cores.
Para despedir as festas, ás 20.00 horas haberá unha concentración na Praza Maior na que as carpideiras acompañarán a Sardina ao longo do percorrido amenizado polas charangas Felga e Bandiños. O cortexo fúnebre percorrerá Lamas Carvajal, Paseo e Parque de San Lázaro, rematando coa queima da Sardiña fronte á subdelegación do Goberno.
Con motivo das celebracións, ás 19.00 horas pecharase a rúa Curros Enríquez, no treito comprendido entre a rúa do Paseo e a Avenida da Habana. Tamén se pechará, no mesmo horario, a rúa Concello, no treito comprendido entre Xoán XXIII e Parque de San Lázarpo. Durante o corte, o tráfico desviarase pola rúa Xoán XXIII.
Este ano, a cidade viviu un dos seus entroidos máis multitudinarios, especialmente durante a noite do sábado e do luns, cando miles de persoas, ataviadas cos seus disfraces, encheron as rúas do centro ata ben entrada a madrugada.