O Grupo de Acordeóns Bieito Blanco actuará este venres en Esgos
A programación de verán do Concello de Esgos continúa esta semana cunha nova cita cultural. O Grupo de Acordeóns Bieito Blanco ofrecerá un concerto o venres 17 de xullo, ás 20:00 horas, na Praza da Souteira, nunha actuación aberta ao público.
Esta proposta musical intégrase na programación estival organizada polo Concello, que durante estes días combina actividades culturais, formativas e deportivas para diferentes públicos.
A programación desta semana arrancou coa charla “Saúde sexual ao longo da vida”, incluída no Proxecto Maruxa Mallo, e completouse cunha sesión de pilates ao aire libre na Praza da Souteira.
As actividades rematarán o domingo 19 de xullo coa celebración dunha quedada BTT, que partirá ás 9:30 horas desde a Praza da Souteira e que está dirixida ás persoas afeccionadas ao ciclismo de montaña. Desta maneira, o Concello continúa ofrecendo unha programación variada para dinamizar o verán e fomentar a participación da veciñanza.