O Ourense Film Festival leva unha sesión de autocine a Pereiro de Aguiar
RibeiraSacraXa | OurenseXa
A cita terá lugar este xoves coa proxección de “Mentres dormes” xunto ao Parque Acuático de Monterrei
25 Aug 2026
O Pereiro de Aguiar acollerá este xoves, 27 de agosto, unha sesión de cine ao aire libre que permitirá ao público desfrutar da película desde o propio vehículo. A proposta forma parte da programación da trixésimo primeira edición do Ourense Film Festival (OUFF) e busca ofrecer unha maneira diferente de achegarse á gran pantalla.
A proxección comezará ás 23.00 horas no aparcadoiro situado ao carón do Parque Acuático de Monterrei.
A película escollida para esta sesión é “Mentres dormes”, dirixida por Jaume Balagueró e protagonizada por Luis Tosar. A actividade permitirá así combinar cine e aire libre nun formato diferente ao das tradicionais sesións en sala.