Sociedade

A actividade terá lugar na Praza do Concello a partir das 20.00 horas e será de balde

O Pereiro de Aguiar acollerá este venres, 21 de agosto, o contacontos musical familiar 'O paxariño da xanela', unha proposta pensada para que pequenos e maiores compartan unha tarde de historias, música e imaxinación.

A actividade desenvolverase na Praza do Concello a partir das 20.00 horas e ofrecerá ás familias unha oportunidade para gozar dunha proposta cultural ao aire libre.

O contacontos permitirá achegar aos máis pequenos ao mundo da narración e descubrir, a través da música e das historias, todo o que pode agocharse detrás dun conto.