O prazo para solicitar as axudas ás asociacións no concello de Toén estará aberto ata o 27 de maio
OurenseXa
As axudas estarán dirixidas ás asociacións de veciños e outras entidades sen ánimo de lucro
Concello de Toén
30 abr 2024
O Concello de Toén vén de publicar as bases da convocatoria das subvencións ás asociacións de veciños e outras entidades sen ánimo de lucro do municipio para este 2024. O prazo para presentar as solicitudes estará aberto ata o 27 de maio a través da sede electrónica da Oficina Municipal de Toén.
Os programas susceptibles de percibir estas subvencións serán as actividades de carácter sociocultural, deportivo, recreativo ou formativo, as actividades que promovan o asociacionismo e a participación cidadana na vida pública, as actividades que promovan o desarrollo sostible e aquelas dirixidas ao uso de novas tecnoloxías, e as actividades para promover a igualdade entre mulleres e homes e a prevención da violencia de xénero.