O Ruxido Fest debuta con éxito no Pereiro de Aguiar e reúne centos de mozos na súa primeira edición
Pereiro de Aguiar celebrou este sábado a primeira edición do Ruxido Fest, unha nova proposta musical dirixida á mocidade que reuniu centos de asistentes na contorna da zona Monterrei.
O evento desenvolveuse desde a noite ata ben entrada a madrugada cunha programación de concertos e sesións musicais que contou coa participación de Denial 404, Marcos Gramola, Dumore, Dmiron, LG1DO e Groove Amigos, que foron os encargados de animar a xornada.
A organización destacou a alta participación e o ambiente rexistrado ao longo de toda a noite, nunha iniciativa que naceu como festa da mocidade e que se celebrou con acceso gratuíto. Tamén puxo en valor a colaboración de entidades e persoas implicadas na súa organización, así como o comportamento do público asistente.
Desde o Concello valoran positivamente esta primeira edición e subliñan a intención de dar continuidade ao proxecto, que se presenta como unha nova cita no calendario festivo e xuvenil do municipio.