Os amantes das motos clásicas teñen unha cita este domingo en Taboadela
OurenseXa
Royal Tab organiza unha nova edición da súa concentración moteira
9 May 2026
Taboadela volverá a reunir aos amantes das motos clásicas nunha nova edición da concentración moteira Royal Classic Tab, que este ano se celebrará o domingo 10 de maio e que incluirá unha ruta entre a Royal Classic Tab e o municipio veciño de Paderne de Allariz, así como petiscos e premios para os participantes.
As persoas asistentes poderán gozar dun menú composto por dous tipos de empanada, paella, pan e bebida, por un prezo de 20 euros. Ademais, ao remate da xornada, entregaranse premios á moto máis orixinal, ao mellor conxunto piloto-moto e ao piloto máis novo coa moto máis veterana.
As persoas interesadas en participar poden inscribirse a través dos teléfonos 620 369 202 e 680 446 366.