Os 'Obradoiros de contos, música e danza' de Allariz continuarán durante os meses de novembro e decembro
OurenseXa
A actividade está dirixida ás familias con nenos de entre 2 e 6 anos
Cartel 'Obradoiro de Contos, Música e Danza en familia'
25 Oct 2024
Os 'Obradoiros de Contos, Música e Danza en familia', posto en marcha polo Concello de Allariz, arrancaron este mes de outubro cunha gran acollida entre as familias alaricanas.
As actividades, que están dirixidas aos nenos e nenas de entre 2 e 6 anos e as súas familias, continuarán durante os meses de novembro e decembro no Fogar dos Maiores de Allariz. A primeira das datas está programada para o sábado, 9 de novembro, con dúas sesións ás 11.00 e ás 12.00 da mañá. O seguinte terá lugar o sábado, 14 de decembro, no mesmo horario.
Os interesados poden reservar as súas prazas a través da dirección fogardosmaiores@allariz.gal ou ben por teléfono, a través do 988 554 059 ou do 683 614 691.