Os socialistas de Ourense elixen aos delegados e delegadas para o XV Congreso Nacional do PSdeG
A Comisión Executiva Municipal dos e das socialistas da cidade ratificou a lista de delegados e delegadas que representarán a Ourense no XV Congreso Nacional do PSdeG que terá lugar o 8 e 9 de marzo en Santiago de Compostela. Dita lista, que é cremalleira e se elaborou conxuntamente coa Executiva Provincial nun proceso de colaboración e diálogo, estará encabezada pola secretaria xeral do partido na cidade, Natalia González Benéitez, e conformada por un total de 28 persoas, 3 das cales son suplentes.
Así as cousas, a delegación ourensá será a seguinte:
- Natalia González Benéitez
- Rafael Rodríguez Villarino
- Carmen Rodríguez Dacosta
- Diego Alonso de Abel
- María Teresa Ánsias Bacelar
- José Ramón Fernández Morgade
- Beatriz Dominguez Blanco
- Alberto Fernández Martínez
- Zaida Rodríguez Camba
- Adolfo Pérez Abellás
- Edith Filgueira Rodríguez
- José Manuel Rego López
- Juana Ageitos Gude
- Miguel Ángel Rodríguez Ojea
- Begoña Suárez Colmenero
- Xosé Lois Carrión González
- Rosa Martínez Rodríguez
- Antonio Blanco Rodríguez
- Jesusa Rodríguez Castro
- José Ruas Araujo
- Marina Tallón Rodríguez
- Bienvenido Fernández García
- María del Carmen Yáñez Pérez
- Juán Antonio Rey Pérez
- Olalla Meiriño López
Suplentes:
- José Luis Regal Lamelo
- Erica Conde Vazquez
- Enrique Pérez Pérez
Tamén debateu e votou nunha asemblea a agrupación municipal de Ourense, logo de coñecerse o Relatorio Marco, as emendas presentadas pola militancia ao documento que marcará o camiño a seguir durante os vindeiros anos. Segundo recollen as bases do XV Congreso Nacional, todas aquelas que obtiveran o apoio de polo menos o 30% elevaranse de xeito directo e no caso de Ourense as 82 –de adición, supresión e substitución– propostas foron aprobadas por aclamación. Do mesmo xeito aconteceu coas 15 emendas para realizar modificacións ou aportacións aos Estatutos.
A igualdade e a linguaxe non sexista no relatorio, así como a presenza das mulleres en todos os ámbitos laborais, os protocolos de acoso, os ventres de aluguer ou a conciliación protagonizan algunhas das aportacións presentadas e respaldadas na asemblea. No eido do benestar social, a vivenda, a xuventude, o transporte ou a saúde mental e a cultura tamén se propuxeron aportacións.
O texto marco foi elaborado a partir da participación do tecido social, económico e asociativo e das conclusións obtidas durante os encontros sectoriais de Diálogos con Raíz, que se desenvolveron durante 5 meses, e que o PSdeG organizou para abordar problemas como o reto demográfico, as necesidades do benestar social, a igualdade, as infraestruturas ou os diferentes sectores produtivos de Galicia.
Así e todo, as os socialistas destacan que se conseguiu aunar no documento marco –que continuará o seu debate durante o XV Congreso Nacional– a voz e opinión de expertos en diferentes eidos que participaron nos encontros, mais tamén a da militancia e a sociedade de cada vila e cidade galega.