Asociacións

O acto, enmarcado no Día das Vítimas do Franquismo, celebrarase na Praza da II República e contará con varias intervencións

Ourense acollerá o vindeiro 31 de outubro un acto de homenaxe a dúas vítimas do franquismo fusiladas no Campo de Aragón, dentro dos actos convocados co gallo do Día das Vítimas do Franquismo.

A cita terá lugar ás 12.00 horas na Praza da II República, canda a Biblioteca, e está organizada pola Asociación pola Memoria e Dignidade (AMD) Campo de Aragón Ourense.

A homenaxe lembrará a figura de Manuel Gómez del Valle e Fernando Cordón, ambos os dous fusilados neste lugar durante a represión franquista.

Está prevista a intervención de varias persoas durante o acto: Paz Gómez del Valle, Xosé Constenla, Olga Novo e Diego Fernández.