Sociedade

As familias interesadas poderán formalizar a inscrición ata o vindeiro 5 de xuño

O Concello de Paderne de Allariz abriu o prazo para anotarse no Campamento de Verán 2026, unha iniciativa dirixida á infancia e orientada a facilitar a conciliación das familias durante os meses estivais.

A actividade desenvolverase en horario de 10.00 a 13.30 horas e contará ademais cun servizo complementario de conciliación familiar desde as 08.00 da mañá e ata as 14.30 horas.

Desde o Concello lembran que as prazas son limitadas e que terán prioridade as persoas empadroadas no municipio.

As familias interesadas poderán formalizar a inscrición ata o vindeiro 5 de xuño chamando ao teléfono municipal 988 29 30 00.