Sociedade

A actividade terá lugar o 21 de agosto na Praza do Concello e incluirá propostas de lecer para o público infantil

O Concello de Paderne de Allariz organizará o vindeiro 21 de agosto unha Festa de Verán dirixida ao público infantil e familiar na Praza do Concello.

A programación desenvolverase entre as 17.00 e as 19.00 horas e incluirá diferentes actividades de lecer, entre elas un inchable, unha festa da escuma e un servizo de pintacaras, ademais doutras propostas pensadas para o desfrute dos máis pequenos.

Con esta iniciativa, o Concello ofrecerá unha tarde de diversión coincidindo coa programación estival do municipio, promovendo actividades ao aire libre para as familias.