Pereiro de Aguiar rende homenaxe ao poeta Eduardo González Ananín no centenario do seu nacemento
OurenseXa
Será esta tarde na Praza da Igrexa de San Bernardo de Tibiás, lugar de nacemento do autor
15 Apr 2026
Pereiro de Aguiar celebrará este mércores un acto de homenaxe en lembranza do poeta Eduardo González Ananín con motivo do centenario do seu nacemento.
O alcalde do municipio, Luis Menor, destaca a importancia do legado do autor, nado na parroquia de Tibiás e falecido en 2023, cualificándoo como un “veciño querido e poeta de alma profunda”. O acto terá lugar na parroquia de Tibiás, concretamente na Praza da Igrexa de San Bernardo de Tibiás, este mércores 15 de abril de 2026 ás 19:00 horas.
Desde o Concello animan á veciñanza a participar neste acto e subliñan a figura de Eduardo González Ananín como parte da identidade cultural do municipio. A súa obra, afirma o alcalde, segue sendo lembrada como parte da memoria colectiva da comunidade.