Taboadela acolle a cuarta edición da Xuntanza de Clásicos
OurenseXa
O evento, que atrae a afeccionados e entusiastas dos autos antigos, chegou ao seu máximo de inscricións tras pasar polo II Salón do Vehículo Clásico de Ourense
Stand da Escudería Taboadela no Salón do Vehículo Clásico en Expourense
21 abr 2024
Este domingo, 21 de abril, Taboadela encherase de coches clásicos durante a xa tradicional concentración anual deste tipo de vehículos. Este evento, que este ano celebra a súa cuarta edición en 2024, atrae a afeccionados e entusiastas dos autos antigos.
Os organizadores esperan que o evento sea todo un éxito, tras alcanzar a capacidade máxima de inscricións para esta nova edición. Este fito produciuse tras o exitoso paso polo II Salón do Vehículo Clásico celebrado fai unhas poucas semanas en Expourense, que pechou a súa segunda edición con máis de 7.000 visitantes en dous días, duplicando a participación do ano anterior e consolidándose como un punto de encontro para os afeccionados ao automobilismo na provincia de Ourense.
Durante a exhibición, a caseta da Escudería Taboadela atraeu a numerosos visitantes interesados en participar na xuntanza e en coñecer máis sobre as actividades e iniciativas que desenvolven.