Eventos

O Concello de Melón prepara música, sorteos e actos relixiosos en honra ao seu patrón entre o sábado 22 e o luns 24 de agosto

Vilaverde, no Concello de Melón, vivirá as súas festas patronais en honra a San Bartolomeu, que se celebrarán entre o sábado 22 e o luns 24 de agosto.

O sábado 22, ás 23.00 horas, terá lugar a verbena, amenizada polo grupo Rubí xunto ao DJ Tibu. Ao longo da noite está previsto que se celebren varios sorteos entre os asistentes.

Os actos continuarán o luns 24 coa procesión e a misa solemne, que comezará ás 12.30 horas e contará co acompañamento musical dos gaiteiros de Berán.

Dende o Concello de Melón anímase aos veciños e visitantes a se achegar a Vilaverde estes días para desfrutar do ambiente festivo e da tradición que arrodea estas celebracións.