A BTT A Peroxa regresará o 13 de setembro para celebrar a súa terceira edición
OurenseXa
A proba deste ano contará con dous percorridos, de 30 e 40 quilómetros respectivamente
7 Jun 2026
A terceira edición da BTT A Peroxa celebrarase o vindeiro 13 de setembro, volvendo situar o municipio no epicentro do calendario deportivo do ciclismo de montaña. A cita está organizada por Btf, coa colaboración do Concello da Peroxa e da LGMC (Liga da Moto de Campo).
A proba ofrecerá aos participantes dous percorridos diferenciados co obxectivo de adaptarse a distintos niveis de preparación. O primeiro deles contará cunha distancia de 30 quilómetros e unha dificultade media. O segundo trazado será de 40 quilómetros, cun nivel de esixencia medio-alto.