A escudería Taboadela pecha as inscricións para a IV Xuntanza Clásicos
OurenseXa
A cita está programada para o vindeiro domingo 21 de abril
Stand da Escudería Taboadela no II Salón do Vehículo Clásico de Ourense
8 abr 2024
A Escudería Taboadela pechou o período de inscricións para a IV Xuntanza Clásicos Taboadela, programada para o próximo 21 de abril, tras alcanzar a súa capacidade máxima.
Este fito prodúcese tras o exitoso paso polo II Salón do Vehículo Clásico celebrado durante esta fin de semana en Expourense, que pechou a súa segunda edición con máis de 7.000 visitantes en dous días, duplicando a participación do ano anterior e consolidándose como un punto de encontro para os afeccionados ao automobilismo na provincia de Ourense.
Durante a exhibición, a caseta da Escudería Taboadela atraeu a numerosos visitantes interesados en participar na xuntanza e en coñecer máis sobre as actividades e iniciativas que desenvolven.