A Maratón de Fútbol Sala de Cartelle volveu resultar todo un éxito
A Maratón de Fútbol Sala de Cartelle pechou unha nova edición cunha intensa xornada de competición na que o equipo Chokineta se proclamou vencedor tras completar o torneo como primeiro clasificado.
O segundo posto foi para o equipo A Carballeira, mentres que Damalin completou o podio ao finalizar na terceira posición. A cuarta praza correspondeu ao equipo Zamoucos e o premio de consolación recaeu en Casi Seara.
Desde a organización felicitaron a todos os conxuntos participantes polo seu compromiso ao longo do campionato e destacaron o ambiente vivido durante o torneo, no que non faltaron momentos de emoción e compañeirismo.
A organización tamén agradeceu a asistencia do público que acompañou a competición desde as bancadas, contribuíndo a consolidar o Maratón de Fútbol Sala como unha das citas deportivas habituais do verán en Cartelle.