Aleix Galán, veciño de Taboadela, subcampión de España en trampolín na categoría alevín
O trampolín volveu situar o deporte ourensán nun lugar destacado a nivel estatal grazas aos resultados obtidos por Aleix Galán Grande, veciño de Taboadela, no Campionato de España celebrado esta fin de semana en Valladolid.
O deportista asinou unha actuación sobresaliente ao proclamarse subcampión de España na modalidade de trampolín en categoría alevín. Ademais, conseguiu tamén a medalla de bronce en dobre minitramp dentro da categoría elite.
Os resultados consolidan o seu progresión deportiva nunha competición de alto nivel e supoñen un recoñecemento ao traballo, a constancia e a dedicación que vén desenvolvendo nos últimos anos.
Desde o Concello salientan o orgullo que supón para o municipio este éxito, que sitúa de novo a un deportista de Taboadela entre os mellores do panorama nacional nas súas disciplinas.