Actualidade

O Concello propón máis dunha decena de actividades que arrancarán o vindeiro 5 de decembro co acendido do alumeado

Luces de Nadal, Amoeiro

O Concello de Amoeiro vén de presentar o seu programa de actividades de Nadal 2024, que dará comezo o vindeiro mércores, 5 de  decembro, co acendido das luces.

Para este ano, o Concello propón máis dunha decena de actividades destinadas ao público de todas as idades que incluirán dende obradoiros ata festas, concursos e andainas para que os veciños e veciñas deste municipio poidan gozar das festas.

Programa de actividades de Nadal

• Acendido do Alumeado de Nadal: 5 de decembro
• I Concurso Fotográfico de Nadal: do 6 de decembro ao 10 de xaneiro
• I Feira de Antigüidades Retro e Vintage : 6, 7, e 8 de decembro
• Obradoiro de Coroas de Nadal: 11 de decembro
• Torneo de Futbolín: 14 de decembro
• Festival de Nadal da Escola de Música: 19 de decembro
• III Andaina Solidaria: 22 de decembro
• "Peque Amoeiro": do 23 a 28 de decembro
• Recepción de Papá Noel: 24 de decembro
• Festa da Noite Boa: 24 de decembro
• Festa de Fin de Ano: 31 de decembro
• Torneo de Pickleball: 3 e 4 de xaneiro
• Festa da Noite de Reis: 5 de xaneiro
• Cabalgata de Reis: 6 de xaneiro