Actualidade | Concello

O horario será de luns a venres de 9.00  a 14.00 horas durante os días 23, 26, 27 e 30 de decembro do 2024 e 2 e 3 de xaneiro do 2025

Programa Concilia Nadal, Ourense

A concelleira de Educación, Tamara Silva, visitou esta mañá diferentes espazos onde deron comezo as actividades de Concilia Nadal 24-25. Programa que pon en marcha a Concellería de Educación para facilitarlles ás familias a conciliación da vida familiar e laboral.

As actividades que desenvolverán as crianzas serán lúdicas pero tamén educativas e estarán orientadas cara á consecución de hábitos de vida saudables, actitudes solidarias e de convivencia e  respecto polo medio ambiente. Tamén haberá reforzo educativo.

O horario será de luns a venres de 9.00  a 14.00 horas durante os días 23, 26, 27 e 30 de decembro do 2024 e 2 e 3 de xaneiro do 2025. As actividades terán lugar nos seguintes espazos:

• Aula da Natureza do río Miño-Oira: AULAPONIA, nados/as entre 2013 e 2018. Só Educación Primaria.
• Espazo Makers- Uvigo: días 23, 26 e 27 decembro para alumnado de 3º, 4º 5º e 6º EP// 30 decembro e 2 e 3 de xaneiro para alumnado de 1º e 2º ESO. No Edificio Politécnico-Facultade de Informática da Uvigo-Ourense (Campus Norte).
• Aula EMMO (Escola Municipal de Música e teatro): CHRISTMAS CAMP, nados/as entre 2019 e 2021.Só Educación Infantil.