Cultura | Deportes

O acto terá lugar o vindeiro venres nunha presentación literaria aberta ao público, con sinatura de exemplares ao rematar

A Casa dos Poetas de Celanova acollerá o vindeiro venres, día 9 de outubro, ás 19.30 horas, a presentación do libro 'Futebol Gaélico. História, Regras, Táticas de Jogo e Técnicas de Treino', obra escrita por Juan Luis Fernández Pérez, veciño da Bola.

O volume repasa os aspectos fundamentais desta disciplina deportiva, abordando a súa história, o seu regulamento, as tácticas empregadas no xogo e as técnicas empregadas no adestramento.

O acto de presentación conta coa organización e colaboración da Fundación Curros Enríquez, o Concello de Celanova, a Deputación de Ourense e a Xunta de Galicia.

Unha vez rematada a presentación, o autor asinará exemplares da obra para quen asista ao evento, que terá entrada libre na sede da Casa dos Poetas.