Actualidade

A restrición estará motivada polos traballos de asfaltado incluídos nas actuacións de mellora dos camiños rurais do municipio

O acceso ao núcleo do Pereiro permanecerá completamente pechado ao tráfico durante os días 10 e 11 de agosto debido aos traballos de asfaltado que se van executar neste tramo.

A actuación forma parte das obras de mellora dos camiños rurais promovidas no Concello do Pereiro de Aguiar e obrigará a establecer un corte total da circulación entre as 08.00 e as 20.00 horas durante ambas xornadas.

O tramo afectado estará debidamente sinalizado para informar da restrición de tráfico mentres se desenvolvan os traballos.