Barbadás denuncia que a Xunta "leva 13 anos sen mellorar o Fondo de Cooperación Local"

OurenseXa
“Precisamos financiamento porque cada día estamos asumindo competencias que non lle corresponden ao Concello, o que é sumamente inxusto”, reiteran desde o Concello de Barbadás
Representantes do Concello de Barbadás abordan novas liñas de colaboración co Goberno Central
Representantes do Concello de Barbadás abordan novas liñas de colaboración co Goberno Central
10 Xul 2024

O alcalde de Barbadás, Xosé Carlos Valcárcel, denuncia que o Goberno Autonómico "leva 13 anos sen mellorar o Fondo de Cooperación Local”.

"Precisa financiamento porque cada día estamos asumindo competencias que non lle corresponden ao Concello, o que é sumamente inxusto”, sinalou Valcárcel nun encontro mantido co subdelegado de Goberno en Ourense, Eladio Santos, nas instalacións municipais. Así, o alcalde de Barbadás puxo en valor “a achega de 4.800 millóns de euros por parte do Goberno Central a comunidades autónomas e concellos, da que 500.000 euros lle corresponderán a Barbadás".

Entre outras cuesstións, Santos e Valcárcel acordaron buscar fórmulas de colaboración para achegar a banda ancha e a telefonía móbil a todos os pobos, así como para a construción dun centro multiusos, explican desde o Concello. O encontro xirou entorno á busca de melloras no financiamento para algúns dos servizos que presta o concello, como o Servizo de Axuda no Fogar.

Outra cuestión relevante, indican desde o Concello, foi o establecemento de fórmulas de colaboración co Goberno Central para a construción dunha casa da cultura ou centro multiusos en Barbadás, así como para as actividades que se desenrolarán o próximo ano con motivo do centenario da escritora universal Carmen Martín Gaite, en cuxa obra hai unha presenza importante de San Lourenzo de Piñor por ser o lugar onde pasaba as súas vacacións cando era nena.

Eladio Santos amosou a súa determinación de colaborar en todas cuestións trasladadas, tratando de implicar ao Goberno de España no seu desenrolo e sinalando a Barbadás como unha prioridade para a Subdelegación polo peso específico da vila a nivel provincial e polas súas moitas peculiaridades.

0.19971108436584