O Club Piragüismo Ourense proclámase campión por equipos na segunda regata provincial da Copa Deputación de Piragüismo 2026
O encoro de Castrelo de Miño foi escenario este sábado da segunda regata provincial de piragüismo, puntuable para a Liga Ourensá-Copa Deputación de Ourense 2026. A cita reuniu preto de 100 deportistas pertencentes aos distintos clubs da provincia.
A competición estivo organizada polo Club Fluvial Avión-Castrelo de Miño e a Federación Galega de Piragüismo, coa colaboración da Deputación de Ourense e do Concello de Castrelo de Miño. As probas desenvolvéronse ante numeroso público, cun percorrido de 1.000 metros para as categorías prebenxamín, benxamín e alevín, de 2.000 metros para infantil e de 4.000 metros para cadete.
Os vencedores por categorías foron Nicolás Andrés (cadete masculino, Fluvial Avión-Castrelo de Miño), Ainoha Álvarez (cadete feminino, Fluvial Avión-Castrelo de Miño), Thiago Paz (infantil A masculino, Piragüismo Ourense), Vega Fernández (infantil A feminino, Fluvial Avión-Castrelo de Miño), Gabriel Chávez (infantil B masculino, Piragüismo Ourense), Isabella Rodríguez (infantil B feminino, Piragüismo Ourense), Guillermo Dacruz (benxamín A masculino, Fluvial Allariz), Hannah Carvajal (benxamín A feminino, Piragüismo Ourense), Mauro Quintas (benxamín B masculino, Fluvial Allariz), Carla Varela (benxamín B feminino, Piragüismo Ourense), Nicolás Carbajal (alevín A masculino, Piragüismo Ourense), Jara Paz (alevín A feminino, Piragüismo Ourense), Asier Mora (alevín B masculino, Fluvial Avión-Castrelo de Miño), Ximena González (alevín B feminino, Náutico Ribeiro), Martín Álvarez (prebenxamín masculino, Fluvial Avión-Castrelo de Miño) e Maia Sophie Carbajal (prebenxamín feminino, Piragüismo Ourense).
Na clasificación xeral por clubs, o primeiro posto foi para Piragüismo Ourense, seguido do Náutico Ribeiro e do Fluvial Avión-Castrelo de Miño. Completaron a clasificación o Fluvial Allariz, o S.C.D.X. Fontefría (Muiños) e o Fluvial O Barco.