O Concello Allariz informa dun corte programado de subministración eléctrica o venres 29 de maio por traballos de mantemento
O Concello de Allariz informou dun corte programado no subministro eléctrico previsto para o venres 29 de maio de 2026 debido a traballos de mantemento e desenvolvemento na rede por parte da empresa distribuidora UFD, do grupo Naturgy.
A interrupción da electricidade producirase entre as 09.15 e as 13.45 horas e afectará a distintos puntos da parroquia de San Vitoiro.
Segundo a información facilitada, as zonas afectadas serán Campo da Cruz (números 4 e 88), Lugar Calzada (1, 12, 9991 e 9998), Lugar Celeiros (numeración comprendida entre diversos tramos, incluíndo do 1 ao 4, do 6 ao 12, do 14 ao 32, entre outros), Lugar Condes (4, 9 e 12), Lugar Cruces (3, 5, 6, 10, 12, 14 e 9912) e Lugar Tabernas (1, 2, 4, 5, 14 e 40).
Dende a empresa distribuidora piden desculpas polas molestias e lembran que a veciñanza dispón dun teléfono gratuíto de atención ao cliente para resolver calquera dúbida ou incidencia, o 900 333 999.