O Concello do Pereiro de Aguiar abre o prazo para solicitar o uso do Pavillón Municipal A Chaira
O Concello do Pereiro de Aguiar mantén aberto ata o 15 de xullo o prazo para solicitar o uso do Pavillón Municipal A Chaira por parte de clubs, asociacións ou particulares interesados en facer uso das instalacións deportivas.
As solicitudes deberán enviarse ao enderezo electrónico pereiro@deporte.gal, achegando os datos da entidade ou persoa solicitante, incluíndo teléfono de contacto, sede social, NIF ou CIF, así como as horas de preferencia para a utilización do pavillón.
Desde o Concello do Pereiro de Aguiar indican que cada petición será estudada de forma individual e que se dará resposta no menor prazo posible, tendo en conta a ocupación e a dispoñibilidade do recinto deportivo.
O obxectivo é organizar o uso das instalacións municipais garantindo unha distribución axeitada dos horarios entre os distintos usuarios.