O III RallySprint Val de Ramirás regresa do 18 e 19 de xullo
A Escudería Ourense e a Escudería Val de Ramirás organizará os vindeiros 18 e 19 de xullo a terceira edición do RallySprint Val de Ramirás, unha competición automobilística que se desenvolverá polos concellos de Ramirás, Gomesende, Cartelle e Pontedeva.
A proba contará cun percorrido total de 149,52 quilómetros, dos que 53,16 quilómetros corresponderán a catro treitos cronometrados que se disputarán por estradas asfaltadas pechadas ao tráfico. O rallysprint estrutúrase nunha única etapa dividida en dúas seccións.
A cita reunirá a equipos e afeccionados ao automobilismo nun evento que volverá converter a comarca nun escenario para a competición, ofrecendo un espectáculo de velocidade e adrenalina ao longo das dúas xornadas.
A organización destaca tamén o impacto que terá a proba no territorio, tanto pola chegada de participantes e seguidores como pola proxección que supón para os catro municipios polos que discorrerá o percorrido.