O Rally de Ourense arranca os motores da súa edición número 57
A edición número 57 do Rallye de Ourense Recalvi arranca este venres coas primeiras probas. Os pilotos percorrerán un total de 473,83 kilómetros, dos cales 159,48 serán tramos cronometrados.
Logo da cerimonia inaugural celebrada na tarde deste xoves no Parque de San Lázaro, onde miles de afeccionados foron testigos da saída dos equipos, este venres arrancan as competicións co Shakedown e as probas de clasificación, que xa se están a celebrar en Pereiro de Aguiar.
Durante a xornada de este venres, os pilotos pasarán polos concellos de Barbadás, cun tramo 10,14 quilómetros, Taboadela, que conta por primeira vez cun tramo propio nesta cita, con 11,90 quilómetros, e A Merca que, con 13,24 quilómetros, será o máis longo da xornada, que rematará cunha reagrupación dos pilotos en Celanova.