O tren turístico das termas volve a funcionar
O Concello de Ourense reestablece desde hoxe, luns 17 de febreiro, o servizo do tren turístico das Termas, que conecta o centro da cidade cos principais espazos termais da marxe dereita do río Miño: A Chavasqueira, o Muíño da Veiga e Outariz. O vehículo xa circulou no día de hoxe cos seus horarios habituais.
O tren das termas ten saída ás 10.00, 12.00, 16.00 e 18.00 horas de luns a venres desde a Praza Maior, cun servizo máis ás 20.00 horas os sábados, os domingos e os días festivos, e realiza paradas na Praza do Ferro, o parque de San Lázaro, a Ponte Vella, A Chavasqueira, a pista vermella, o paso soterrado, o Muíño da Veiga e a zona termal de Outariz.
As viaxes de volta á cidade teñen saída desde Outariz ás 11.00, 13.00, 17.00 e 19.00 horas de luns a venres, cun servizo máis ás 21.00 horas as fins de semana e festivos, con paradas nas Termas de Outariz, o Muíño, o paso soterrado, a pista vermella, A Chavasqueira, a Ponte Vella, o parque de San Lázaro e a Praza Maior.