Actualidade

Os traballos veñen motivados polo roubo sufrido antes do Nadal

O Concello de San Cibrao das Viñas procedeu esta semana á reposición do tendido do alumeado público no Polígono Comercial Barreiros, tras o roubo que sufriu antes do Nadal.

Segundo o Goberno municipal, os traballos están a realizarse no menor tempo posible co obxectivo de restablecer o servizo canto antes. Desde o Concello, ademais, piden desculpas ás persoas afectadas polas posibles molestias durante a intervención e agradeceron a comprensión da veciñanza.