Deportes

A marcha, que chega á súa decimoitava edición, disputarase este domingo 13 de setembro con premios, sorteos e agasallos para os participantes

San Cibrao das Viñas afronta a recta final antes da súa cita deportiva máis esperada do ano. Este venres, 11 de setembro, péchase a xanela para formalizar a inscrición na XVIII Andaina Popular, que o Concello celebrará o vindeiro domingo, 13 de setembro.

Quen aínda non se apuntase pode facelo a través da aplicación móbil do Concello, onde están dispoñibles os enlaces necesarios para completar o trámite. Dende a organización insisten en que as prazas son limitadas, polo que animan a non deixalo para o último momento.

A xornada, que combina deporte, convivencia e o desfrute da contorna natural do municipio, contará con premios, sorteos e diversos agasallos para quen tome parte na andaina, ademais doutras sorpresas que se irán desvelando nos próximos días.